Актерката Гал Гадот, која се прослави со улогата на Дајана во „Wonder Woman“, блесна на премиерата на филмот „Red Notice“ во Лос Анџелес.
Гал Гадот во 2004 година беше прогласена за мис на Израел и оттогаш според многумина таа е една од најубавите жени во светот.
Таа го привлече вниманието на црвениот килим во Лос Анџелес, облечена во црвна тоалета на брендот Лоеве. Асиметричната креација ја открива нејзината десна нога, комплетирана во комбинација со златести сандали и соодветен накит.
За време на премиерата на Netflix филмот, во кој се појавува заедно со колегите Двејн Џонсон и Рајан Рејнолдс, Гадот беше запрашана за моменталниот статус за „Wonder Woman 3“, пишува Variety.
Таа откри дека се работи на сценариото и дека се се движи напред, но детали не ги откри.
„Не можам се уште да ви кажам, но работиме на сценариото“, изјави актерката.
Тоа што е познато е дека Пети Џенкинс се враќа како режисерка, а моментално работи на „Star Wars: Rogue Squadron“ кој треба да биде прикажан во 2023 година.