И покрај несигурноста околу развојот на биографскиот филм за Клеопатра, израелската актерка и продуцент Гал Гадот го сподели својот ентузијазам и посветеност на проектот во неодамнешното интервју за Vogue Hong Kong.
Гадот, позната по улогата на Wonder Woman во филмскиот универзум на DC, влегува во чевлите на друга моќна жена, египетската кралица Клеопатра. Иако проектот е опкружен со контроверзии и промени во креативниот тим, Гадот нагласи дека планира да ја поправи погрешната перцепција за египетската кралица.
„Израел се граничи со Египет, поради што пораснав со приказни за Клеопатра. Wonder Woman е измислен силен женски лик, но Клеопатра е владетелка од реалниот живот“, рече Гадот. Актерката сака да ја прошири сликата за Клеопатра и да ја прикаже како пионерка на своето време, бидејќи досега ја прикажувале само како заводничка.
„Оваа жена била со години пред своето време. Египет и она што беше Египет тогаш е на некој начин понапреден од денес... Со голема страст пристапив кон нејзината приказна и сакам да изборам правда за нејзиниот лик и наследството што го остави зад себе“, додаде Гадот.
Откако Пети Џенкинс, оригиналниот режисер на биографскиот филм, се повлече за да се концентрира на други проекти, развојот на проектот остана во некаква неизвесност. Гадот го пофали сценариото, за кое се верува дека ќе биде завршено во ноември 2021 година, но сè уште не е познато кој го напишал сценариото, според ScreenRant.
Претстојниот филм веќе беше мета на критики, пред сè поврзани со кастингот на Гадот во улогата на Клеопатра. Имено, многумина сметаат дека Клеопатра требало да ја глуми актерка од друга раса. Гадот им рече на критичарите дека Клеопатра е Македонка и дека продукцискиот тим првично барал македонска актерка која ќе одговара на улогата. Кога не можеле да ја најдат, се одлучиле за Гадот.
