Најголемиот Институт за Дигитален Маркетинг во светот со главни седишта во Ирска и САД, минатата недела, на 24 февруари 2021 ги прогласи своите 4 најуспешни Platinum Partners за едукација за дигитален маркетинг во светот. Во изборот учествуваа над 100 глобални партнери на Digital Marketing Institute, од кои само 4 беа одбрани за најдобри, платинум партнери.
Главните критериуми за избор на овие престижни награди го вклучуваат квалитетот на наставата, експертизата на менторите, процентот на задоволство на учесниците на програмите и процентот на учесници кои успешно го положуваат испитот за светски признат сертификат.
Galeksia – првиот и единствен Институт за Дигитален Маркетинг во нашата држава ја доби оваа престижна Platinum Partner награда, како еден од 4-те најдобри партнери на DMI во светот.
Иако компанијата беше основана во време на пандемија, Galeksia за многу краток период ја покажа својата професионалност и експертиза во неформалната едукација за Дигитален Маркетинг, за што залужено се стекна со називот Platinum Partner на Digital Marketing Institute. Сите предавања се прилагодени за он-лајн учење од самиот старт, со цел да се запази безбедноста на учесниците. Предавањата се одржуваат во мали групи, со цел да се одржи квалитетот на наставата на едно високо и професионално ниво.
За помалку од една година постоење, 91 професионалци го унапредија своето знаење во областа на Дигитален Маркетинг со Galeksia, а компанијата оствари и успешни партнерски соработки со некои од најдобрите компании кај нас, како што се Божиновски часовници и накит, Вива Сокови, Нептун, Халк Банка и Авалон продукција.
„Драго ми е што нашите учесници на програмите и Digital Marketing Institute-от од Ирска го препознаваат квалитетот на Galeksia и вредноста која ја носиме со програмите за дигитален маркетинг. Оваа награда е доказ за нашата посветеност и квалитет и горда сум на целиот тим кој стои позади нашата успешна приказна.
Постоиме на пазарот помалку од една година, а веќе ги гледаме позитивните резултати во развојот на кариерата на сите наши учесници кои се стекнаа со светски признат сертификат. Целта на Galeksia е да овозможиме едно повисоко ниво за неформална едукација во нашата држава и да им овозможиме на сите наши учесници да се стекнат со реномиран, глобално признат сертификат“, вели Теодора Филовска, основач и сопственик на Galeksia.
Уписите за најпопуларната програма на Galeksia, Professional Diploma in Digital Marketing за групата во март веќе се во тек.
Материјалот кој се изучува е креиран и одобрен од најуспешните компании и професионалци во светот: Facebook, Google, LinkedIn, CocaCola, IBM, Microsoft и многу други, кои се лидери во дигиталната трансформација на глобално ниво.
Програмата за Professional Diploma in Digital Marketing опфаќа 10 различни модули кои им овозможуваат на учесниците да се стекнат со применливо знаење од најважните области во дигиталниот маркетинг и да бидат подготвени истото да го применат на светско ниво, без разлика дали работат за домашен или странски пазар.
По завршувањето на програмата, секој учесник полага за светски признат сертификат кој го издава најголемото сертификационо тело за он-лајн тестирање во светот – Pearson VUE.
Меѓу дополнителните вредности по кои програмите на Galeksia се издвојуваат од останатите во нашата држава е пристапот до глобалната платформа на Digital Marketing Institute кој го добиваат сите учесници на било која програма на Galeksia.
На оваа платформа има над 120.000 активни членови од целиот свет, а студентите на Galeksia добиваат пристап до ексклузивни дополнителни материјали за учење, кои вклучуваат дополнителни бесплатни курсеви, темплејти, алатки, е-книги, вебинари и подкасти, кои им овозможуваат на учесниците да го продолжат своето образование и по стекнувањето на глобално призната диплома.