Свет

Гардистите на Лондонската кула им се приклучија на „жолтите елеци“

22. декември 2018 - 8:34 | МИА

Лондон, 21 декември 2018 (МИА) – Гардистите на Лондонската кула денеска  ги заменија традиционалните црвено-златни униформи со „жолти елеци“ во знак на протест против неповолниот пензиски систем.

Офицерите задолжени за поддршка на кралските палати, вклучувајќи ги и познатите „бифитери“ (чувари на Кулата) и чуварите на Кенсингтон Палас, одлучија да започнат штрајк, првпат по 55 години

Причината за незадоволството е одлуката на нивниот работодавач да воведе нов пензиски план кој предвидува зголемување на придонесите за пензиско осигурување.

Министерството, одговорно за одржување на кралските палати, соопшти дека веќе предложило „значителна компензација” и презела други мерки за „11-те проценти вработени” погодени од новиот систем, кој посебно ги засега помладите вработени.

Коментирај