Сопственикот на фудбалскиот великан Милан, Џери Кардинале, дошол на сосема луда идеја да го ангажира Новак Ѓоковиќ во тренерскиот тим на клубот од Милано.
Новак Ѓоковиќ е познат во светот на спортот како некој со најсилна ментална издржливост и победнички менталитет, што му донесе триумфи и титули и кога не брилјираше. Токму затоа сопственикот на Милан сакал да го ангажира во клубот.
Според La Repubblica, не се работи само за несериозна шега, туку за сериозни намери на Кардинале да го воведе Ѓоковиќ во клубот, што секако би било преседан во светот на спортот, особено што српскиот тенисер сѐ уште не ја завршил тениската кариера.
Ѓоковиќ, кој отсекогаш бил жесток навивач на Милан, доби понуда да биде мотивациски тренер и да им пружи поддршка на играчите кои оваа сезона се пред бројни предизвици. Сепак, не беше постигнат договор.
Исто така, овој потег би бил маркетиншки преседан бидејќи се работи за глобална спортска икона, која може да донесе победнички менталитет во клубот. Во исто време, неговиот пријател Златан Ибрахимовиќ е вработен во Милан, па би било многу интересно да го видиме ова дуо заедно на важни позиции во клубот.
Ѓоковиќ никогаш не ја криел љубовта кон Милан, редовно ги посетува натпреварите на стадионот „Џузепе Меаца“, а ја искористил приликата да запознае и бројни фудбалери. Сепак, идејата на Кардинале е целосно луда бидејќи Ѓоковиќ едвај има време да се посвети на својата тениска кариера и обврските кои доаѓаат со неа.
Но, како и секој спортист, Новак нема вечно да се натпреварува, а што ќе прави кога ќе се пензионира, останува да видиме.