Францускиот претседател Емануел Макрон ги налути своите германски колеги за изјавата во која предупреди на кукавичлук на Европа додека трае војната во Украина.
За време на посетата на Чешка, Макрон зборуваше за безбедносната ситуација во Европа и упати голем број критики за однесувањето на лидерите на одредени земји.
„Сигурно се приближуваме до моментот за Европа во кој ќе биде неопходно да не се биде кукавица. Европа е преполовена, мораме правилно да кажеме, од кукавичлук и волјата на еден дел од Европа да не ги види тешкотиите на другото, така што ја препушти судбината на Европа на тоталитаризам“, посочи францускиот претседател по повод денешната посета на Чешка.
Изјавата на Макрон најмногу им пречеше на германските власти, а прв реагираше германскиот министер за одбрана Борис Писториус кој рече дека изјавите на Макрон се контрапродуктивни.
„Навистина не ни треба, барем од моја перспектива, да зборуваме за чизми на земја или за да имаме повеќе или помалку храброст. “, изјави Писториус.