Додека главна вест е приведувањето на новинарот Фуркан Салиу, мала медиумско внимание добива она што всушност се случуваше во неделата во Средно Коњаре кога полициските силе разбивале физички напад.
Без да прераскажуваме што се случувало, го пренесуваме сведоштвото на гостинската екипа на Куманово, инаку лидер во 3.МФЛ Север, која играше против екипата на БВК Коњаре. Спротивно од шпекулациите, кумановци се всушност задоволни од приемот на домаќинот и открија дека инцидентот настанал кога навивачи од Арачиново ги нападннале домашните гледачи од Средно Коњаре.
За неупатените во македонскиот фудбал, Куманово има еден бод предност на табелата пред второпласираната екипа на Шкендија 77 од Арачиново. Арачиновци се надеваа дека БВК Коњаре ќе остане барем непоразен против лидерот, па ќе дојде до промена на табелата. Инаку, само првопласираниот на табелата ќе учествува во баражите за пласман во 2.МФЛ, односно ранг погоре.
„Освоени три бода на дерби натпреварот на тешко гостување против екипата на БВК Коњаре. Најпрвин да им честитаме на сите играчи, стручниот штаб и управата на клубот.
Сега да ја известиме јавноста во Македонија што денеска се случуваше на натпреварот.
Натпреварот беше екстра организиран од страната на домашната екипа и припадници за одржување на редот ЕБР, ИНТЕРВЕНТНА ПОЛИЦИЈА и редовната полиција од СВР ПЕТРОВЕЦ.
За разлика од претходното гостување на нашата екипа во Синѓелиќ каде како што ве информиравме дека немаше никакви услови за фудбал и дека ни се закануваа дека живи нема да излеземе ако бодовите не ги освои домашната екипа.
Денес домашната екипа на БВК на натпреварот влезе мотивирано, но уште на самиот старт по една контра го отворивме резултатот со 0:1.
Во првиот дел имавме уште две сто постотни шанси за гол кои не ги искористивме.
На стадионот во с. Средно Коњаре имаше домашна публика која навиваше фер и коректно и навивачи од Арачиново кои цело време вршеа притисок на нашите фудбалери, но тоа е дозволено во фудбалот.
На стартот од вториот дел го зголемивме водството на 0:2 и имавме контрола на натпреварот.
Навивачите од Арачиново во 70. минута од натпреварот почнаа да го напуштаат стадионот незадоволни од резултатот и не знаеме што очекувале од домашната екипа да направи на овој натпревар кога сите екипи знаат дека моментално сме најквалитетна екипа во трета лига север.
По напуштањето на стадионот навивачите од Арачиново ја нападнаа домашната публика и дојде до прекин на натпреварот, а да немаше полиција во голем број кој знае што ќе се случеше на натпреварот.
По пауза од 30 минути продолживме со натпреварот и резултатот остана непроменет 0:2.
Уште еднаш апелираме до ФФМ дека екипата на Шкендија од Арачиново не само што се заканува на нашата екипа, туку почна да се заканува и на сите наши противнички екипи со кои играме до крајот на првенството.
На домашната екипа на БВК сакаме да им се заблагодариме за фер и коректениот натпревар и се покажаа како вистински домаќини. Иако сакаа со сето срце да ни земаат бодови, мора да признаат дека сме поквалитетна екипа од нив.
Голема благодарност и до полиција која денес беше на висина на задачата и покажаа дека се вистински професионалци“, стои во објавата на ГФК Куманово.