Поранешната легенда на Манчестер Јунајтед, Рајан Гигс синоќа поднесе неотповиклива оставка како селектор на репрезентацијата на Велс, објави BBC.
Гигс беше тренер до ноември 2020 година, кога беше уапсен, а подоцна обвинет за насилно однесување и физички напад врз неговата поранешна партнерка Кејт Гревил.
Велшкиот селектор пред судењето ги негираше сите обвиненија.
Откако Гигс привремено поднесе оставка од селекторската функција, раководството на репрезентацијата го презеде Роберт Пејџ.
Тој ги донесе велшките фудбалери до Светското првенство во Катар и ова ќе биде нивен прв настап на завршниот турнир од 1958 година.
Во меѓувреме, судскиот процес против Гигс ќе започне на 8 август.
Легендарниот 48-годишен Велшанец реши да поднесе оставка за процесот да не ги наруши подготовките на репрезентацијата за настапот во Катар.