Најголемата надеж на Барселона, младиот Ламин Јамал, беше главен протагонист на една неверојатна ситуација на натпревароот од Лигата на шампионите против Порто кога во 71. минута го напушти теренот и отиде во тоалет, но повеќе не се врати во игра.
Тоа можеби и не беше толку чудно доколку тој не отсуствуваше цели 9 минути, а Барселона во тој период играше со играч помалку. Имено, Јамал искористи еден прекин за да тркне до тоалет, но испаднало дека ситуацијата е посериозна отколку што се надевал, па се задржа. Сите на стадионот и покрај малите екрани се чудеа зошто Барса игра со играч помалку.
Тренерот на Барса, Чави Ернандес, подоцна потврди дека 16-годишникот имал одредени здравствени проблеми и на крајот го замени со Маркос Алонсо во 80. минута. Така, Јамал одигра 71 минута на „Драгао“, но официјалната статистика ќе брои дека играл 80 бидејќи тогаш беше официјално заменет.
„Јамал не се чувствуваше добро. Ми кажуваше некое време. Ја искористив паузата во играта за да му кажам да биде брз и да оди во тоалет, но на крајот ми рекоа дека нема да може да се врати на теренот“, објасни Чави.
Барселона подоцна беше официјално намалена на 10 играчи бидејќи Гави беше исклучен во судиското надополнување, а Ламин Јамал беше многу среќен што неговото отсуство не влијаеше премногу на конечниот резултат бидејќи Каталонците победија со 1:0 благодарение на голот на Феран Торес.
Инаку, новопечениот шпански репрезентативец Јамал синоќа стана најмладиот играч кој некогаш започнал натпревар од Лигата на шампионите од првата минута. Јамал до тој подвиг стигна со 16 години и 83 дена, откако Чави го вклучи во првите единаесет на стадионот „Драгао“.
Исто така, најавено е дека Јамал ќе одбие нов договор со кој ќе остане на „Ноу Камп“ до 2026 година.