Фудбалерите на Рома приредија вистинска сензација во Лигата на шампионите елиминирајќи ја Барселона, откако загубија со 4:1 во Каталонија, па синоќа во Рим прославија како да ја освоиле титулата од ова натпреварување.
На фантастичната атмосфера по улиците на „Вечниот град“ не одолеа ниту претседателот на „Волчицата“, Американецот Џејмс Патола, кој славеше со навивачите и заврши во фонтана.
Рома направи еден од најголемите пресврти во историјата на ова натпреварување, иако беше сметана за аутсајдер, сепак таа во четвртфиналето ги прегази Каталонците со 3:0 на Олимпико и се најде меѓу четирите најдобри тимови во Европа.
„Не сакам да бидам тренер на екипа која нема амбиција. Мораме да имаме високи цели и да сфатиме дека ние можеме да ги постигнеме, да разбереме дека секогаш има простор за напредок и дека сме способни да бидеме најдобри“, изјави тренерот на Рома Еузебио ди Франческо.
„Често ме обвинувате за порази и лоши работи, но сега имате прилика и малку да ме фалите“, се пошегува пресреќниот Ди Франческо.
Прославата во Рим траеше до касно синоќа.
