Google почна да известува некои корисници на Android дека долгоочекуваната функција доаѓа за неколку дена.
Веројатно од понеделник, 8 април, Google на сите корисници ќе им овозможи пристап до мрежата Find My Device (Најди го мојот уред).
Во својата објава Google истакнува:
„Со новата мрежа Find My Device, ќе можете да ги лоцирате вашите уреди дури и ако се офлајн/исклучени. Може да најдете и кој било компатибилен додаток за брзо спарување кога е исклучен од вашиот уред. Ова вклучува компатибилни слушалки, како и тракери што можете да ги прикачите на вашиот паричник, клучеви или велосипед. Ќе добиете известување на уредите со Android кога оваа функција ќе се вклучи за 3 дена. Дотогаш, може да се исклучите од мрежата преку Find My Device на веб".
Мрежата, која е дизајнирана да работи преку Bluetooth и не е ограничена само на Wi-Fi конекции, е слична на услугите што ги нудат Apple и Samsung.
Исто така, ќе ја прошири поддршката за Bluetooth тракери од брендови како Tile, Chipolo и Pebblebee, покрај компатибилните аудио уреди како Pixel Buds и слушалките Sony.
Google го одложуваше објавувањето на мрежата, на која влијае воспоставувањето стандарди кои се однесуваат на потенцијалот за нејзина злоупотреба за следење на поединци без нивно знаење.
Овој стандард, развиен во соработка со Apple, се очекува да биде имплементиран наскоро, заедно со ажурираната услуга Find My Device.
Оние кои не сакаат ваков тип на следење можат да се откажат порано ТУКА, но ова функционира само ако сте примиле порака од Google со горенаведената содржина.
Ќе имате опција или да ја задржите стандардната опција „Locate with the Find My Device network“ или да се откажете од неа. Ова се однесува на сите уреди со Android поврзани со одредена сметка на Google.