Климатската активистка Грета Тунберг повика на прекин на огнот во Палестина и повика на права и слобода за Палестинците.
„Денес протестираме во знак на солидарност со Палестина и Газа. Светот треба да проговори и да повика на итен прекин на огнот, правда и слобода за Палестинците и сите погодени цивили“, напиша Тунберг.
Тунберг објави фотографија на која држи транспарент на кој изразува поддршка за Газа.
Некои корисници на платформата Х (поранешен Twitter) ја обвинија дека ја поддржува Исламската држава (ISIS) со тоа што ги поддржува Палестинците.
Израелско-палестинската криза повторно ескалира откако милитантната организација Хамас го нападна јужен Израел. Властите на оваа земја најавуваат копнена операција во Појасот Газа со цел уништување на милитантите на Хамас.
Има стравувања дека штом израелската армија ќе влезе во Газа, би можела да изврши етничко чистење со блокирање на враќањето на цивилното население, кое моментално се наоѓа главно во јужниот дел на територијата.
Некои израелски претставници предложија Палестинците од Газа да се преселат во Јордан и Египет, што претставниците на овие земји го одбија.