Климатската активистка Грета Тунберг беше уапсена денеска поради нарушување на конференцијата за нафтената индустрија во Лондон.
Шведската активистка беше приведена од полицијата откако им се придружи на стотиците други демонстранти пред Форумот за енергетско разузнавање, кој се одржува во хотелот Интерконтинентал Лондон Парк Лејн во Мејфер.
Шефовите на најголемите светски нафтени и гасни компании заедно со министрите на Велика Британија учествуваат на тридневна конференција што ќе трае од 17 до 19 октомври.
„Елитата на конференцијата за нафта и пари нема намера за транзиција. Нивниот план е да го продолжат овој деструктивен наплив на профит. Затоа мораме да преземеме директни мерки“, рече Тунберг на прес-конференција утринава.
Утре ќе се одржи уште еден еднодневен протест кој ќе биде пропратен со музика и говори на активисти.
Најавено е дека во четврток 19 демонстранти ќе излезат на улиците од Marble Arch до Wellington Arch како дел од јавниот „Фестивал на отпорот“.
