Пеп Гвардиола саркастично ја искоментира убедливата победа на Манчестер Сити против Лидс Јунајтед(7:0).
Ова е втората најубедлива победа во историјата на Сити, после победата од 8:0 исто така под водство на Шпанецот.
Гвардиола му го нанесе најтешкиот пораз на Лидс во историјата на клубот и постави рекорд во Премиер лигата со 500 голови на 207 натпревари кој досега го држеше Јирген Клоп(Ливерпул) со 234 меча.
„Сето ова е точно, но се заборава уште еден наш успех. Во 17 натпревари примивме само 9 голови. Тоа докажува дека не мора да играме дефанзивно за да бидеме успешни во одбраната. Играчите коишто се во тимот се креативни, а мојата работа е да им наредам да трчаат. Сето останато е заслуга на клубот кој ми купува квалитетни играчи“, рече Гвардиола.
Сити е лидер на Премиер лигата со 41 поен од 17 натпревари, има 4 повеќе од Ливерпул, а 5 од Челси.
Шпанскиот стратег го презеде Сити во летото 2016 година, а стана тренер со постигнати 500 премиерлигашки голови до кои неговиот клуб дојде во 207 натпревари, со просек од 2.4 голови по натпревар.
Втор на листата е тренерот на Ливерпул, Јирген Клоп, кој до 500 голови во Премиер лигата дојде по 234 натпревари, додека трет е Алекс Фергусон кому на клупата на Манчестер Јунајтед за 500 првенствени голови му беа потребни 265 натпревари.