Популарната актерка била фотографирана во природна состојба додека излегувала на вечера со семејството, а папараците ја уловиле без шминка.
Американската актерка ги покажа своите сиви корени на косата и лице без шминка додека вечерала во Mr. Chow во Беверли Хилс, Калифорнија неделава.
Палтроу носела длабок црн горен дел со бели панталони што ги стегнала со тенок црн ремен. Ѕвездата од „Iron Man“ се одлучила и за лежерни обувки и носела бели патики. Својот аутфит го комплетирала со едноставна огрлица.
На вечерата пристигнала заедно со синот Моузис (17) и сопругот Бред Фалчак.
Потполно природното појавување на актерката во јавноста доаѓа еден месец откако таа за британскиот Vogue изјави дека го „прифаќа“ стареењето.
„Како жени, сакаме да бидеме здрави, сакаме да старееме. Оваа идеја дека треба да бидеме замрзнати во времето е многу чудна“, рече таа.
Палтроу посочи и на „културолошкиот проблем“ дека мажите се почитуваат како што стареат, додека жените наидуваат на осуда.
„Убаво е да се посиви како маж, но за жените е како 'Што планираш да правиш со твоите брчки и стареењето на кожата?'“, рече таа и додаде: „Дефинитивно постојат двојни стандарди“.
Таа на крајот рече дека не сака да го избрише времето кое го живеела и дека не мора да биде без брчки.
