Компанијата Heinz е во потрага по човекот што преживеа 24 дена на брод јадејќи го нивниот кечап, за да му купи нов брод.
Морнарот Елвис Франсоа, кој беше пронајден во јануари по 24 дена на отворено море, а кој преживеа благодарение на популарниот кечап Heinz, би можел да добие нов, најсовремен брод.
Компанијата на 14 февруари објави апел на социјалните мрежи, надевајќи се дека ќе го пронајде морнарот од Доминика, островска држава на Карибите. Според социјалните мрежи на Heinz, компанијата веќе се обратила до владата на Доминика, како и до колумбиската морнарица, која го спасила северозападно од Пуерто Боливар, пристаниште во Колумбија.
„Ги бараме сите веродостојни докази за да го контактираме Елвис за да можеме да помогнеме да се покрие новиот брод опремен со целосна навигациска технологија за да се избегне нова катастрофа во иднина“, велат од компанијата.
Инаку, Франсоа во декември го поправал својот брод во близина на холандскиот дел на островот Свети Мартин. На колумбиските власти им рекол дека му недостасуваат навигациски вештини за да се врати на брегот. Преживеал со шише кечап, лук во прав и коцки од густин кои ги мешал со вода. Бил спасен откако авион го забележал неговиот брод едрилица со изгравиран збор „помош“ на трупот.
