Италијанската премиерка Џорџа Мелони наседнала на лажен телефонски повик од познати руски измамници, чија цел беа и поранешната германска канцеларка Ангела Меркел и поранешниот македонски премиер Зоран Заев, потврдија денеска од нејзината канцеларија во Рим.
Мелони била измамен од повикувач кој се идентификувал како претседател на Источноафриканските комори Азали Асумани, актуелен претседавач со Африканската Унија.
Всушност, тоа биле руските измамници Вован (Владимир Кузнецов) и Лексус (Алексеј Столјаров). Повикот се одржал на 18 септември, во пресрет на Генералното собрание на ОН, соопштија од канцеларијата на Мелони. Италијанската влада не ја коментираше содржината на повикот. Сепак, извадоци беа објавени во Русија, меѓу другото и од новинската агенција Риа Новости.
Двајцата Руси веќе неколку пати на овој начин измамиле светски лидери и познати личности. Според извадоците, Мелони рекла дека руската војна против Украина, која започна во февруари 2022 година, е „голем „притисок“ за сите страни.
„Се приближува моментот кога сите ќе разберат дека ни треба излез“, рече таа. Таа додаде дека има „некои идеи“ за тоа, но и дека сака да го чека вистинскиот момент. Според руските извештаи, тие разговарале и за миграцијата. Мелони рекла: „Европа долго време мислеше дека може да го реши проблемот со тоа што ќе ја обвини Италија. Проблемот е во тоа што другите немаат проблем“.
Руските измамници, кои важат за блиски до владата на Путин, ги измамиле и поранешниот британски министер за одбрана Бен Валас и поранешната градоначалничка на Берлин, Франциска Гифи. Еден од нив во разговорот со Меркел се претставил како поранешниот украински претседател Петро Порошенко. Во Русија често се пофалени од про-Кремљ медиуми и коментатори за нивните измами.