Џанлуиџи Буфон, еден од најдобрите голмани на сите времиња, синоќа го прими веројатно најсрамниот гол во кариерата за кој тој е единствениот виновник.
Буфон не сака да се откаже од фудбалот. Иако наполни 45 години, брани во Серија Б за Парма и нема намера да застане.
Неговата екипа вечерва беше поразена од Перуџа на гости со резултат 2:1, што беше важен триумф за домаќините во борбата за плеј-оф и доигрување за влез во Серија А.
Перуџа славеше со вториот гол што Буфон практично си го даде сам.
Познатиот голман доби повратна топка, но ја промаши. Се обиде да стигне пред напаѓачот, но тоа не беше можно на тие години, па Марко Оливеири постигна гол за 2:0. Парма до крајот успеа само да намали на 2:1 преку Франко Васкез.
