Златан Ибрахимовиќ продолжува да воодушевува и со 40 години на плеќите. Тој сѐ уште го предводи тимот на Милан и е главната надеж на тренерот Стефан Пиоли.
Сепак, тајната на неговиот успех лежи, меѓу другото, во строгата диета. Како и Кристијано Роналдо, Златан внимава на начинот на кој се подготвува неговата храна. Неговата исхрана се состои од бело месо, сушено говедско месо и свеж зеленчук, додека сладолед, тестенини и замрзната храна се забранети на неговото мени.
Напаѓачот на „Росонерите“ внесува јаглехидрати преку житарки. Daily Mail пишува дека италијанските нутриционисти му направиле план за исхрана кој се состои од осум оброци дневно, богати со магнезиум и здрави масти.
Има приказна и од времето кога Ибрахимовиќ играше за ПСЖ. Тој наводно се налутил поради недостигот на овошје и зеленчук во тренинг центарот, на што готвачот му рекол дека не можат да си го дозволат тоа поради ограничениот буџет за храна во клубот. На крајот Златан му дал парите и го испратил на пазарување во локална продавница.