Легендарниот шведски фудбалер Златан Ибрахимовиќ денеска за прв пат заигра заедно со својот 16-годишен син Максимилијан.
Ибрахимовиќ иако има 41 година не се откажува. Пред неколку дена се врати на терен после тешката повреда поради која не играше речиси една година, а сега дочека посебен момент во животот.
На денешниот тренинг-натпревар во центарот на Миланело, Златан играше во ист тим со синот Максимилијан, кој тропа на вратата на сениорскиот фудбал во Милано. Тој е член на истиот клуб како и татко му.
Познатиот новинар на Милан, Пепе Ди Стефано, денеска изјави за Sky дека Златан Ибрахимовиќ играл во У18 екипата заедно со синот Максимилијан на дуелот против сениорскиот тим на Милан.
Не беа соопштени детали како заврши натпреварот и дали еден од двајцата Ибрахимовиќ постигна гол. На крајот резултатот не беше ни важен, но неверојатно е да се види дека Златан игра со 25 години помладиот син во тимот и дека нема намера да се откаже.
Инаку, помладиот Ибрахимовиќ, како и неговиот татко, игра на позицијата напаѓач. Сѐ уште не одлучил за која репрезентација ќе настапува во иднина, секако доколку има потенцијал за тоа.