Костимите за Ноќта на вештерките се идеална можност да се извади креативноста на поединците на виделина, а често познатите личности како Хајди Клум и Ким Кардашијан го одбележуваа овој празник со својата имагинација и маскирања кои со текот на времето станаа култни.
Жената која ја нарекуваат кралица на Halloween трансформацијата е поранешната манекенка Хајди Клум. Некои од нејзините легендарни изданија го вклучуваат врколакот од песната „Thriller“ на Мајкл Џексон, маскирањето со нејзиниот сопруг во Фиона и Шрек, а особено воодушеви во 2015 година кога се преправи во дизниевата Џесика Ребит, поради нејзината неверојатна сличност со ликот.
Ријалити ѕвездата Ким Кардашијан е позната по нејзините посебни напори во костимите за Ноќта на вештерките, а најпознатите изданија на најпопуларните од петте сестри од семејството Кардашијан-Џенер вклучуваат маскирање во покојната пејачка Селена во 2017 година и во Шер во 2018 година.
Исто така, во центарот на вниманието беше уште едно издание од 2018 година - семејното маскирање на сестрите во ангелите на Викторија Сикрет.
Меѓу култните изданија за Ноќта на вештерките се појавувањето на Ријана во 2014 година, маскирана во нинџа желка, пејачката Никол Шерцингер маскирана во Клеопатра во 2017 година и изданието на Џиџи Хадид во 2019 година како Џим Кери во „The Mask“.
Актерката Нина Добрев се маскираше во Били Ајлиш во 2019 година, копирајќи го стилот на пејачката од глава до петици. Истата година манекенката Халима Аден ја копираше Анџелина Џоли од филмот „Maleficient“, а Карли Клос во 2017 година блесна како Мерилин Монро.