Иран се заканува со можни напади врз Форт Мекнер, американска воена база во Вашингтон, како и на заменикот на началникот на Генералштабот на американската армија Џозеф М. Мартин, јавија светските медиуми повикувајќи се на двајца високи разузнавачи.
Тие велат дека комуникацијата што ја пресретнала Националната агенција за разузнавање (НСА) во јануари покажала дека иранската Револуционерна гарда разгледува да изврши „напад во стилот на U.S.S Call“, што се однесува на самоубиствен напад во октомври 2000 година кога мал брод застана покрај разурнувачот на американската морнарица во пристаништето Аден во Јемен и експлодира, при што загинаа 17 американски морнари.
Според изворите, разузнавачките служби откриле и планови на Иран да го убие генералот Џозеф М. Мартин и да се инфилтрира во воената база во Вашингтон.
Генералот Мартин живее во Форт Мекнер, една од најстарите бази во Америка.
Поради заканите, армијата да го засили обезбедувањето околу Форт Мекнер.
Комуникациите пресретнати од разузнавачките служби на САД се воделе меѓу припадници на елитната единица Кудс на иранската Револуционерна гарда, а биле разгледувани и можни воени опции за одмазда за атентатот врз поранешниот генерал Касем Солејмани во јануари 2020 година во Багдад.
