Иранската револуционерна гарда уапси странски дипломати под обвинение за шпионажа, објавија иранската новинска агенција Фарс и државната телевизија.
Разузнавачката служба на Револуционерната гарда идентификуваше и уапси дипломати од странските амбасади кои шпионирале во Иран, објави Фарс.
Според иранската државна телевизија еден од уапсените е Британец, кој потоа бил протеран од земјата.
Британскиот заменик-амбасадор Гилс Витакер и други дипломати зеле примероци од почвата во воените забранети зони додека Револуционерната гарда вршела тестирања на балистички проектили.
Британското Министерство за надворешни работи се уште не ги коментира иранските обвинувања.
Иранските медиуми не наведоа кога и колку дипломати се уапсени и дали сите се протерани.
