Триесет и девет годишен маж е пронајден мртов внатре во статуа на диносаурус во каталонската престолнина.
Статуата порано била користена како реклама за кино, а полицијата претпоставува дека на човекот му паднал мобилниот телефон внатре по што обидувајќи се да го дофати влегол во статуата и се заглавил.
До грозоморното откритие дошло кога татко и син играјќи си крај диносаурусот помирисале лоша миризба, по што таткото погледнал во внатрешноста на статуата. Веднаш повикал полиција.
Настанот е во приградската населба Санта Колома де Граменет во Барселона.
Полицијата востановила дека мртвиот човек претходно би пријавен за исчезнат од страна на своето семејство.
Останува нејасно како човекот успеал да се протне внатре, бидејќи и покрај лошата состојба во која се наоѓа статуата, нема поголеми отвори. На диносаурусот му недостасува долната вилица, но тоа е мал отвор за да може да влезе човек. Останува мистерија и колку долго бил човекот внатре пред да умре.
Човекот бил најден заглавен во една од нозете на диносаурусот со главата надолу. Телото е пратено на аутопсија за да се утврди точната причина за смртта.
