Конечно после години некому му текнало да го исчисти купот пластични шишиња што си играше рингишпил во реката Вардар, во делот кај населбата Острово после Железничкиот мост.
За ова Кајгана пишуваше уште пред три години, а којзнае уште колку пред тоа се собирале шишињата вечно врткајќи се заглавени во вртлогот на Вардар.
Не знаеме кој ги извадил, но секако го поздравуваме. Периодов екипи на ЈП „Паркови и зеленило“ ја косеа тревата на таа астрана од кејот од Центар кон Аеродром, па можеби тие ги извадиле и шишињата.
Но, шишињата не се целосно отстранети, бидејќи откако биле извадени се оставени веднаш на брегот, до велопатеката.
Се надеваме дека за брзо ќе бидат акдекватно складирани за рециклирање, бидејќи со оглед на тоа колку неодговорни граѓани има во градов, не би било чудно некој намерно да ги врати назад в река.