Ако мислевте дека е сосема неважно кога да ја посолите водата во која ги варите тестенините - тогаш се лажете. Има неколку причини зошто е важно водата да се посоли во вистинско време.
Тестенините најчесто се нашиот избор за оброк кога немаме многу време за готвење или кога сакаме да изедеме нешто навистина кремасто, заситувачко и вкусно. Едноставната подготовка на тестенините се сведува на два чекори - варење и додавање сос или нешто друго.
Сепак, постои еден чекор на кој мора да обрнете внимание доколку сакате тестенините секогаш да ви излегуваат како што треба - посолување на водата. Додека едни веруваат дека треба да се додаде сол во ладна вода на почетокот, други кога водата ќе зоврие, трети веднаш пред да ги ставите тестенините во тенџерето, некои велат во исто време со тестенините или кога ќе бидат до половина сварени.
Одговорот на прашањето кога да се додаде сол во водата при готвење на тестенини го даде експертот за тестенини Лоренцо Бони, главен готвач на Barilla Americas.
„Совршено време за посолување на водата е кога ќе зоврие, веднаш пред да ги додадете тестенините“, вели Бони.
Тој додаде дека времето е клучно за да се добијат совршено зачинети тестенини и вели дека прераното додавање сол - на пример кога водата е сè уште ладна или дури и млака - може да го забави процесот на вриење. Додавањето сол прерано може да предизвика уште поголеми проблеми: „Да се остави солената вода да врие предолго пред да ги готвите тестенините, може да ви го направи јадењето премногу солено“.
Тој додава дека солта ја зајакнува структурата на тестенините и смета дека солта го спречува лепењето на тестенините, па затоа е клучно овие две состојки да поминуваат доволно време заедно во тенџерето.
„Од кулинарска гледна точка, малку сол ќе го подобри природниот вкус на тестенините. Размислете како прстофат сол го оживува вкусот на колаче. Сето тоа е многу сличен принцип“, вели Бони.
За домашните готвачи кои сакаат да го направат вистинскиот сооднос тестенини-вода, Бони препорачува да започнете со четири литри вода по килограм суви тестенини. Потоа додадете една лажичка сол на секој литар вода. Ако внимавате на внесот на сол и се грижите дали да додадете повеќе лажички сол во водата со тестенини, треба да знаете дека многу малку всушност влегува во самите тестенини.
„Солта целосно се раствора во водата. Повеќето од солта се фрла кога тестенините се цедат, така што тестенините всушност само ќе апсорбираат мала количина од солта што се наоѓа во водата“, вели Бони.
Следниот пат кога ќе имате тестенини за ручек или вечера, запомнете - за половина килограм тестенини ставете да зовријат четири литри вода и додадете четири лажички сол непосредно пред да ги додадете тестенините по ваш избор.
