Иванка Трамп успеа да ги налути Американците со оваа фотографија направена во Овалната канцеларија во Белата куќа.
Претседател на САД е Доналд Трамп, но кога ќе ја погледнете оваа фотографија, добивате поинаков впечаток. Иванка Трамп седи на местото на татко ѝ, а покрај неа е канадскиот премиер Џастин Трудо и американскиот претседател Доналд Трамп. Иванка ја сподели фотографијата на социјалните мрежи каде предизвика лавина од негативни коментари.
Нејзиниот коментар на Twitter, објавен покрај фотографијата е:
„Голема дискусија со двајца светски лидери за важноста на тоа жените да имаат учество на оваа маса“, алудирајќи на жена претседател на земјата.
Но, многумина се налутени од нејзиното присуство на средбата на двајцата лидери, а некои сметаат дека станува збор за злоупотреба на моќта и ја потсетуваат Иванка дека таа не е претседател на САД, ниту дека е одбрана да биде тоа.