Министерството за внатрешни работи во текот на вчерашниот ден (3 ноември) продолжи со засилените акциски контроли во областа на сообраќајот.
Само на територијата на главниот град Скопје изречени се вкупно 515 мерки, од кои:
- 42 за возење без возачка дозвола
- 37 санкции за технички неисправни и нерегистрирани возила
- 113 санкции за непрописно паркирани возила
- 8 за управување под дејство на алкохол
- 71 возило подигнати со пајак службата
- 36 санкции за неносење заштитна маска
Од метрополата, дури 226 казни се изречени на територијата на Општина Карпош.
„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, велат од МВР.