Денвер Нагетс на гости ја победија Индијана Пејсерс со 114:109, а до победата повторно беа предводени од дуото Никола Јокиќ и Џамал Мареј.
Српскиот кошаркар го заврши натпреварот со 31 поен, 13 скока и 9 асистенции, вклучувајќи го и последниот кош кога се кршеше резултатот.
Асот на Нагетс прими една топка и погоди за три поени и со тоа му донесе гостинска победа на актуелните шампиони во НБА.
Исто толку поени постигна и Џамал Мареј, но додаде 8 скока и 7 асистенции, додека Кентавиус Калдвел-Поуп мечот го заврши со 14 поени и 5 скока, а двоцифрен беше и Реџи Џексон со 13 поени и по 2 скока и асистенции.
Кај Пејсерс најдобар беше Мајлс Тарнер со 22 поени и 6 скока, додека Тимоти Џон МекКонел додаде 17 со 7 асистенции, а Паскал Сјакам мечот го заврши со 16 поени, 10 скока и 4 асистенции. Ендрју Нембхард на крајот постигна 15 поени со 7 асистенции, а Арон Несмит додаде 13 со 9 скока. Двоцифрен беше и Бенедикт Матурин со 11 поени, 5 скока и 3 асистенции.
Во градското дерби на Лос Анџелес, Клиперс го победија Лејкерс со 127:116, а Каваи Ленард беше најдобар со 25 поени, 11 скока и 10 асистенции, додека Д'Анџело Расел беше подобар од останатите со 27 поени, 10 асистенции и 5 скока.
Резултати:
Индијана Пејсерс - Денвер Нагетс 109:114
Бруклин Нетс - Њујорк Никс 103:108
Њу Орлеанс Пеликанс - Јута Џез 153:124
Оклахома Сити Тандер - Портланд Треил Блејзерс 111:109
Лос Анџелес Клиперс - Лос Анџелес Лејкерс 127:116
Табела:
