Рудникот Бингам кањон е еден од најголемите отворени рудници во светот, широк повеќе од 4 километри и длабок 1.200 метри. Претставува најголема дупка ископана од човек, а исто така е видлива и од вселената.
Се наоѓа 30 километри југозападно од Солт Лејк Сити, а бил главен произведувач на бакар, злато и сребро во САД.
Прогласен е за национално историско обележје во 1966 година, а во 2013 година се случило и најголемото невулканско лизгалиште во историјата на Северна Америка, кога скоро 70 милиони кубни метри земја и камења слетале низ работ на јамата.
Настанот бил доволно голем да сеизмичките мрежи дизајнирани за снимање земјотреси да регистрираат вибрации. Освен тоа, рудникот е познат и како локација на која од отворањето е пронајдено повеќе бакар отколку во кој било друг рудник во светот.
Браќата Сенфорд и Томас Бингам ја откриле за првпат бакарната руда во 1848 година. Набргу по изградба на железницата, полека почнале да пристигаат работници, а до 20-тите години на минатиот век во кањонот живееле околу 15.000 луѓе од различни националности.
Живееле во големи блокови изградени на стрмни карпи, а како што напредувала технологијата бројот на луѓе се намалувал, а дупката побрзо се ширела.
Рудникот е претставен и во филмот „Birds of Prey“ од 1973 година, како и во книгата „The Fundamentals of Caring“. Претставува и еден вид туристичка атракција како дел од индустриското наследство на САД.
