За чеченскиот лидер Рамзан Кадиров војната на Русија во Украина е џихад, барем така ја нарече во објава на Телеграм. Наведе дека си ги сака земјата, народот и традицијата, но не ги разбира оние „кои татковината ја сакаат само со зборови“.
Претседателот на Чеченија смета дека оние луѓе кои го навредувале пророкот Мухамед „денес се борат против нас во Украина“.
Кадиров е сигурен дека „тие сакаат да ја распарчат неговата татковина на делови, да ги понижат, згазат и на крајот да ги сквернават верата и културата така што не би имале никаков идентитет, никаква семејна вредност“.
„Со причина го користам зборот ‘сатанизам’. Таму, на Запад, сатанизмот отворено делува против Русија“, напиша чеченскиот лидер и прецизираше дека „сатанистичка демократија е кога се шират правата на атеистите, а се навредуваат верниците или кога на традиционалните парови им ги одземаат децата, па намерно се оставаат во семејство од ист пол“.
„Јас попрво би се борел против тоа од корен отколку да дозволам оваа грозотија да се врши во нашата татковина“, нагласи Кадиров.
Понатаму, тој вели:
„Ова е џихад, нашите чеченски команданти донесоа одлука не само да се бранат, туку и да напаѓаат. Да ги уништат тие шејтани, без разлика каде се и колку добро се кријат“, заклучи Кадиров.
