Откако почна пандемијата многумина работат од дома. Иако е тоа исклучително важно за спречување на ширењето на вирусот и може да придонесе за побрзо завршување на пандемијата, сепак новото работно место доведе до тоа многу луѓе да чувствуваат болки во грбот и вратот поради неправилното седење.
Докторката Шитал Рејн вели дека повеќето канцеларии се адаптирани за здрава работна средина, но работите дома се поинакви.
„Најголемата причина поради која луѓето како последица од работата чувствуваат болки и непријатност е тоа што го игнорираат правилното држење на телото и почнуваат да обрнуваат внимание дури кога ќе почувствуваат неиздржлива болка, вели таа за Indianexpress.
Еве на кои работи треба да обрнете внимание доколку работите од дома:
1. Правете чести паузи
На секој час направате пауза по неколку минути за да ги ублажите уморот и стресот.
2. Не работете во истата положба
Долгото седење со свиени колена не е добро за телото и циркулацијата, настојувате што почесто да ги протегнувате нозете и исправите грбот.
3. Внимавајте на држењето на телото
Внимавајте ушите, рамената и колковите да ви бидат израмнети, тоа ја намалува тежината на ‘рбетот и вратот.
4. Редовно вежбајте
Докторката препорачува во распоредот да вметнете најмалку 150 минути неделно вежбање за да го намалите ризикот од срцеви заоблувања. Редовното вежбање исто така е добро и за менталното здравје.
