Исклучително е важно да водите сметка за оралното здравје, бидејќи во спротивно може да предизвикате непријатни ситуации и анксиозност. За справување со лошиот здив може да користите и природни лекови кои ги имате дома, со цел да го одржите здивот свеж, пишува Bright Side.
Совети како да го спречите и поправите лошиот здив:
1. Ослободете се од камчињата во крајниците
Камчињата во крајници изгледаат како мали бели дамки кои се наоѓаат на крајниците. Едвај се видливи бидејќи се скриени од внатре. Предизвикуваат лош здив бидејќи привлекуваат бактерии и се направени од микроби.
Природни начини за решавање на овој проблем е употреба на течност за плакнење на усната шуплина, плакнење на грлото со јаболков оцет разреден со вода или плакнење на грлото со топла солена вода.
2. Не го прескокнувајте појадокот
Појадокот е најважен оброк во текот на денот, а исто е добар и за свежиот здив. Студија покажа дека тинејџерите кои не појадуваат страдаат од лош здив повеќе од оние кои јадат.
Важно е да јадете здрав појадок кој содржи малку шеќер, како што се зелена салата, јаболка, јогурт, млеко и храна богата со растителни влакна.
3. Дишете низ нос
Дишењето низ уста може да предизвика хроничен лош здив бидејќи го отежнува производството на плунка. Затоа, дишењето низ нос е попаметен избор. Дишењето низ уста има и други несакани ефекти кои негативно влијаат на оралното здравје. Може да предизвика воспаление на непцата, да предизвика стрес и анксиозност и да ја направи вашата вилица помала. Истражување покажа дека и децата можат да страдаат од лош здив ако дишат на уста.
4. Пијте вода по јадењето
Јадењето зачинета храна може да предизвика лош здив бидејќи хемикалиите патуваат низ крвотокот до белите дробови и како резултат, излегуваат низ вашиот здив. Добро е да пиете вода пред и по јадење, за да ја исплакнете устата.
