Без разлика колку е квалитетно вашето резиме, сепак може да биде отфрлено доколку не биде проследено со внимателно напишано мотивациско писмо.
Иако во пишувањето мотивациско писмо вложуваме помалку време кога станува збор за пишувањето на деловната биографија, тоа е подеднакво важно и без него аплицирањето не делува целосно. А, може да биде значителен фактор поради кој менаџерот ќе одлучи да ве покани на интервју или да ве ангажира.
Доколку сте забележале дека вашите апликации за работа често остануваат без одговор или се одбиени, можеби ја правите некоја од овие грешки.
1. Не сте напишале мотивациско писмо
Можеби тоа нема да биде првата работа која евентуалниот работодавач ја гледа, сепак веднаш се забележува што не сте го испратиле заедно со резимето. Тоа се смета за групен недостаток и мана во однос на другите кандидати.
2. Вашето мотивациско писмо е предолго
Сите менаџери за човечки ресурси се согласни дека нема ништо пострашно од предолго, преобемно и досадно мотивациско писмо, кое покажува дека кандидатот не знае што треба да издвои како релевантно, а што е одвишно.
Секој збор што го испраќате покажува како комуницирате.
3. Не преминувате на поентата
Важно е да бидете кратки, јасни и веднаш да преминете на главното.
4. Го раскажувате резимето
Една од најголемите грешки кои ги прават кандидатите е што во мотивациското писмо со други зборови го повторуваат тоа што стои во нивната работна биографија. Во него треба да пишува зошто се пријавувате за работата, како сте дознале за неа, како гледате на работата, што прво вие би направиле и слично.
5. Немате во вид кому се обраќате
За пласирање каква било содржина клучно е да ја знаете групата кон која се обраќате, а во овој случај личноста која ќе го чита вашето мотивациско писмо ќе одлучи дали сте соодветен работник за неговата фирма.
Трудете се да се обраќате на личност, не на компанија, но не претерувајте во лежерноста за да не делувате несериозно и непристојно.
