Седечката работа во текот на осум часа и повеќе може значително негативно да се одрази на вашата општа физичка состојба и да предизвика болки на разни делови од телото.
Повеќе истражувања покажале дека редовната физичка активност, дури и онаа со голем интензитет, не може да ја надомести целосно штетата од непрекинатото седење во текот на работното време.
Раздвижувањето во текот на работниот ден може да биде клучно за подобрување на вашата физичка подготвеност и одржување на здравјето и формата.
Почнете со редовно станување и размрдување на секои 20-тина минути и продолжете со лесни вежби за истегнување и раздвижување, во седечка и во стоечка положба.
За да имате поголем елан да ги воведете овие промени, а и за градење на тимскиот дух, организирајте се овие вежби да ги правите заедно со колегите или колешките во канцеларија.
