Дека глобалното затоплување е реално и дека влијае на климата и временските услови, најдобро илустрира анимација на НАСА, на која се прикажува топењето на арктичкиот мраз во последните триесеттина години.
Арктичкиот мраз во последните години не се намалува само површински, туку станува потенок и „помлад“.
Порано беше сосема вообичаено одредена површина на мраз на Северниот пол да не се топи и после неколку години, но во последните десет години, површината која ја покрива таквиот „стар“ мраз речиси е исчезната.
На анимацијата на НАСА може да се види како мразот пулсира во текот на годишните времиња, ширејќи се и дебелеејќи се во текот на зимските месеци, во однос на летниот период, кога се намалува и повлекува.
Научникот Волт Мејер од вселенскиот центар на НАСА „Годард“, објаснува како морскиот мраз претртпел фундаментални промени во текот на изминатите три децении, откако се забележани првите сателитски снимки.