Mercedes-Maybach S-Class, што го дизајнираше покојниот моден дизајнер Вирџил Абло, ја виде светлината на денот.
Во декември минатата година, Mercedes-Maybach го привлече вниманието со својот концепт Project Maybach, дизајниран од познатиот дизајнер Вирџил Абло. За жал, Абло почина во ноември 2021 година, но неговото наследство и експертиза ќе живеат засекогаш благодарение на новиот модел на Mercedes-Maybach S680.
Автомобилот е кулминација на соработката помеѓу умерениот извршен директор на Louis Vuitton и луксузниот германски автомобилски бренд, а за разлика од концептот Project Maybach, кој беше изложбен автомобил со екстравагантен дизајн, новиот Maybach дизајниран од Вирџил Абло е сериски модел. Се базира на Maybach S-Class S680 (2023).
Модниот гуру, исто така, се здружи со Горден Вагенер, шеф за дизајн во Mercedes-Benz, за да го дизајнира луксузниот седан, а автомобилот беше завршен во 2021 година пред смртта на Абло во ноември. Проектот беше материјализиран од тимот задолжен за производство и модификации во одделот Mercedes-Benz Manufaktur во Синделфинген.
Екстериерот на Maybach S-Class by Virgil Abloh е украсен со двобојна шема, беж е главната боја, додека контрастот е црвениот покрив, хаубата, багажникот и столбовите.
Луксузната лимузина ги доби и познатите 20-инчни бандажи на Maybach во беж нијанса што можеби се чини како чудна идеја, но изгледаат навистина одлично. Истата комбинација на бои беше забележана и на концептот Project Maybach.
Ентериерот ја следи истата шема, па со беж кожа се тапацирани седиштата, панелите на вратите, потпирачите за раце и долниот дел од контролната табла. Од централниот екран нагоре, речиси сè е покриено со црна кожа. Екранот на централната конзола сега има персонализиран кориснички интерфејс кој е полуксузна варијација на системот MBUX.
Maybach S680 го придвижува 6,0-литарски V12 мотор кој развива 604 КС, а седанот забрзува од 0 до 100 km/h за 4,5 секунди пред да достигне максимална електронски ограничена брзина од 250 km/h.
Производството на овој специјален модел е ограничено на 150 примероци.
