Познатата британска готвачка Мери Бери откри како да ги одржувате јајцата подолго свежи, а сѐ се сведува на тоа каде ги чувате.
Во нејзината книга за готвење „Complete Cookbook“ таа напиша: „Чувајте ги јајцата во кутија во фрижидер (подалеку од силна храна за да не ги апсорбираат вкусовите и мирисите преку нивните лушпи). Ако ги поставите со зашилениот дел надолу, жолчката ќе остане во центарот на белката. Секогаш користете ги до нивниот рок на траење“.
Друг совет е од Џена Кели, експертка од британскиот Essential Food Hygiene. Таа препорачува јајцата да не се чуваат во вратата од фрижидерот, туку на полица.
Објасни и зошто: „Се препорачува што е можно побрзо да се стават во фрижидер – избегнувајќи каква било промена на температурата бидејќи тоа може да предизвика кондензација на лушпата што, пак, може да предизвика проблеми со бактерии“.
„Избегнувајте ставање јајца во близина на задниот дел од фрижидерот каде што температурите може да бидат пониски. Чувајте ги јајцата во главниот дел од фрижидерот, а не во вратата“, истакна таа.
Таа забележала и дека вратата е всушност најтоплиот дел од фрижидерот, бидејќи температурата се зголемува и паѓа кога се отвора и затвора. Поради ова, некои професионалци исто така велат дека треба да избегнувате да ставате и млеко во преградата на вратата.
