Во конкуренција на 16 градови, еден победи, а во тек се подготовките за организација на просторот каде натпреварувачи од 41 земја ќе се натпреваруваат и ќе се обидат да го однесат трофејот во својата земја.
На годинашниот престижен избор за песна на Евровизија, на кој ќе учествува 41-та земја, ќе бидат вклучени Ерменија и Црна Гора по отсуството во 2021 година. Ова ќе биде 66-ти избор за песна на Евровизија, кој очигледно ќе биде спектакуларен.
На официјалната веб-страница на Евровизија се појавија фотографии од салата во која ќе настапат учесниците.
Салата во Торино наречена Palasport Olimipico, е изградена за потребите на Зимските олимписки игри во 2006 година, кои се одржаа во Италија. Оттогаш досега оваа сала е еден од најрезервираните простори за различни спортски и музички активности.
Торино успеа да се избори и за годинашен домаќин на ова престижно музичко натпреварување во конкуренција на 16 други градови во Италија. Претходно домаќини на ова натпреварување беа Неапол и Рим.
Евровизија ќе се одржи во 3 натпреварувачки вечери, во полуфиналето планирано за 10 и 12 мај, додека финалето ќе се одржи на 14 мај.
Андреа Коевска е овогодинешниот евровизиски претставник на Македонија. Во конкуренција од шест композиции,„Circles“ доби најголем број гласови од жири комисијата.