Крис Бош конечно го доби својот последен чек од тимот на Мајами Хит.
Крис Бош штотуку ја подигна својата последна НБА плата, 6 години откако престана да игра кошарка. Некогаш сјајниот крилен центар кој во кариерата настапуваше за Торонто Репторс и Мајами Хит, сега ја доби последната рата од 434.393 долари. Мајами повеќе нема да го плаќа. Од 2017 година кога беше официјално отпуштен од Мајами, Бош добиваше речиси милион долари месечно, т.е. две месечни рати од по 434.393 долари.
Откако освои две титули заедно со Двејн Вејд и Леброн Џејмс, славното трио се распадна, по што Леброн замина во Кливленд Кавалирс. Тоа отвори простор за 118 милиони долари, колку што изнесуваше 5-годишниот НБА договор на Бош.
Меѓутоа, наскоро се појавија проблеми со здравјето, а по Олстар натпреварот од 2015 година Бош беше примен во болница каде му открија крвно згрутчување во белите дробови. Поради тоа од февруари 2015 до крајот на сезоната беше надвор од терените.
Се врати на почетокот од наредната сезона, почна да игра одлично, но згрутчувањето повторно му се појави за време на олстар паузата во 2016 година. Клубот го натера да замине на лекување, па повторно го пропушти вториот дел од НБА сезоната. На крајот официјално беше отстранет од тимот во 2017 година, а НБА му дозволи на Мајами неговиот договор да не влегува во клупскиот селари кап. Оттогаш доби 120 плати од Мајами Хит со вкупна вредност од 52.127.160, додека дури и подолго од тоа не играше - од почетокот на 2016 година.
Долго не можеше да се помири со одлуката на лекарите дека не може повеќе да настапува во НБА, се обидуваше да се врати, за потоа во февруари 2019 година официјално да објави дека се повлекува од кошарката и дека нема да продолжи со обидите да се врати на паркетот. Во март истата година Мајами Хит во негова чест го повлече дресот со број 1 кој тој го носеше.
