Friends е меѓу омилените серии на многу луѓе, а нивната гледаност повторно се зголеми по смртта на Метју Пери.
Откако Пери почина, се откриваат различни нови детали за серијата, па сега е откриен еден момент кој требаше да се случи, но кој тој го спречи.
Имено, во епизодата од петтата сезона The One in Vegas: Part 1, Чендлер требало да ја изневери Моника со вработена во хотел која требало да ја игра актерката Лиса Кеш.
„Дојдов како гостинка и бев многу возбудена. Во сцената, Чендлер и Моника се расправаат околу ручекот со Ричард. Сценариото беше дека Чендлер оди во собата, нарачува собна услуга и јас го услужувам како вработена во хотелот. Почнуваме да разговараме и се поврзуваме и Чендлер ја изневерува Моника со мојот лик“, изјави Кеш.
„Ја вежбавме таа сцена. Еден ден пред снимањето пред публика, ми кажаа дека Пери отишол кај сценаристот и рекол дека публиката никогаш нема да му прости на Чендлер ако ја изневери Моника. Веројатно беше во право! Тоа можеше да го промени текот на серијата и неговиот лик“, додаде таа.
Иако нејзината првична улога беше отсечена од сценариото, Лиза Кеш се појавува како стјуардеса во сцена со Дејвид Швимер и Џенифер Анистон.
Таа рече дека ѝ е многу драго што имала можност да работи со Пери, макар и само за проба на сцена која на крајот не била снимена.
„Се чувствував многу удобно. Беше многу пријатен и фин и поради тоа се чувствував смирено. Многу се забавував. Беше многу забавно и многу лесно да се работи со него“, заклучи Кеш.
