Како се оди на училиште на -50 степени Целзиусови?
Се сеќавате кога бевте деца и не ви се одеше на училиште? Посебно не во зима кога требаше да станете од топлите кревети и да излезете надвор на ладно.
Сигурно не ви било потешко отколку на овие деца од Русија кои се борат со силни ветрови и температури далеку под нулата за да стигнат до училиште и да се вратат дома.
Оркански ветрови и температури од минус 50 Целзиусови степени во повеќето делови од светот би биле добри причини за прекин на наставата во училиштата, но не и во градот Чокурда во североисточна Русија.
На истокот од Русија дури ни студот од минус 50 Целзиусови степени не е доволно добро образложение за децата да добијат оправдување да не одат на училиште.
Видеоснимката од група деца кои се враќаат од училиште привлече големо внимание на социјалните мрежи. На неа може да се види дека некои од нив дури и паѓаат од силните удари на ветрот, но упорно продолжуваат.