Балканските играчи Лука Дончиќ и Никола Јокиќ по петти пат играат заедно на Ол Стар, кој овојпат се одржува во Индијанаполис.
Србинот и Словенецот одлично се забавуваат, што беше видливо викендов кога Дончиќ даде изјава пред Ол Стар натпреварот.
За време на изјавата Јокиќ се прикраде зад него и му истури вода во вратот, по што насмеаниот Дончиќ го пцуеше српскиот кошаркар.
Сега камерите повторно ги „уловија“ како зборуваат „по нашки“, па НБА лигата на официјалниот X (Twitter) профил објави видео од влегувањето на Дончиќ во соблекувалната.
Дончиќ ги поздравува Стеф Кари, Пол Џорџ и Никола Јокиќ, со кој си разменуваат неколку класични балкански фрази. Разговорот завршува со „Пу*и го, брате“.
