Децата на богатите руски олигарси повикуваат на мир во Украина и јавно апелираат Владимир Путин да стави крај на инвазијата. Младите ги користат социјалните мрежи во обид да го запрат понатамошното страдање на украинскиот народ.
Меѓу нив е и ќерката на Роман Абрамович, како и ќерката на портпаролот на Кремљ. Постовите на социјалните мрежи покажуваат како младата генерација на Русија гледа на конфликтот што се случува.
Меѓутоа, некои од објавите беа брзо избришани. Тоа укажува на јаз меѓу владата на Путин и младите луѓе кои живеат во Русија, пишуваат медиумите.
Софија Абрамович, ќерка на сопственикот на Челзи, на Instagram објави Story на кое напиша: „Најуспешната лажна пропаганда на Кремљ е дека повеќето Руси го поддржуваат Путин“.
Марија Јумашева, ќерка на рускиот владин советник Валентин Јумашев, исто така покажа поддршка за Украина.
Нејзиниот татко беше клучен во помагањето Путин да дојде на власт откако беше еден од најверните помошници на Борис Елцин.
Дваесет и четиригодишната Елизавета Пескова,ќерка на Дмитриј Песков, на Instagram исто така објави „не за војната“.
Нејзината објава беше избришана за помалку од еден час, без никакво објаснување.