Стресот во текот на бременост може да има негативно влијание на менталното здравје на бебето, покажаа резултати од нова студија, објавени во Infancy.
Во студијата учествувале 72 бремени жени кои пополниле анкети за нивното ниво на стрес во текот на 14 недели, а потоа прашалник за однесувањето на новороденчињата кога бебињата наполниле 3 месеци, пишува CNN.
Ова им овозможило на научниците да ја испитаат флуктуацијата на нивото на стрес во текот на бременоста, во реално време.
Резултатите покажале дека бебињата на мајките кои имале значителни флуктуации во нивото на стрес во текот на бременоста почесто покажувале знаци на страв, вознемиреност и тага до три месеци возраст во споредба со бебињата чии мајки искусиле помалку стрес.
Всушност, жените кои доживеале поголеми флуктуации на стрес додека биле бремени почесто пријавувале дека нивните бебиња повеќе плачат и се нервозни, дека покажувале знаци на вознемиреност кога се уморни и не им било пријатно да останат без мајката во присуство на непознати луѓе.
Во идните студии, тимот планира да истражи како флуктуацијата на стрес може да ја промени билогијата на мајката во текот на бременоста и ефектите што може тоа да ги има на бебето.