Кога и да поминете покрај некоја зграда ве „мава“ паника да не ви слета саксија на глава, но постојат и многу полоши нешто кои можат да паднат од ведро небо.
Жителите на Кентаки останале занемени од дожд од месо на 3. март 1876 година. Некои од луѓето пробале од месото и изјавиле дека има вкус на говедско. Некои научници до ден денес тврдат дека тоа не било месо туку вид бактерија во заштитна обвивка и покрај доказите дека месото кое наврнало било бел дроб од коњ.
Можеби чудно за наши услови, нo оние од Хондурас барем еднаш во годината имаат дожд од риби. Оваа појава е традиционална од 1800те па сѐ до денес. Мештаните велат дека големите бури во месеците мај и јуни често донесуваат живи риби по патиштата.
Никој не би се противел, па дури ни ние, ако ни заврнат парички. Во 2007 година, една германска државјанка се возела во автомобилот кога наеднаш по автомобилот плисната вистинска бура од банкноти. Таа излегла и почнала да ги собира и ,секоја чест, сите ги однела во полиција. Едно торнадо во Русија, пак, расфрлало монети од 16. век кога истото по пат на ерозија било откриено под карпи.
Жителите на Северна Калифорнија, пак, искусиле двоен дожд од слатки во 1857 година и се изнајале бомбони на 2. и 11.септември истата година.
Помеѓу останатите нешта кои паднале од небото има и човечки тела, цели јата птици, крв и илјадници пајаци.