Филм & ТВ

Кан: Премногу насилство во филмот на Фон Трир, публиката масовно заминуваше од салата

16. мај 2018 - 14:42 | А.С.

Стотина филмски критичари ја напуштија салата каде се одвиваше проекцијата на најновиот филм на режисерот Ларс фон Трир „The House That Jack Built“, во рамките на Канскиот филмски фестивал.

Сцените со насилство беа толку сурови и живописни, што публиката не можеше да изржи.

Данскиот режисер најави дека ова ќе биде неговиот најнасилен филм досега, а тоа се потврди и со масовното заминување на публиката од салата.

Филмот ја следи животната приказна на Џек, сериски убиец кој им ги одзел животите на најмалку 60 луѓе.

Со тек на време Џек смислува сѐ поболни методи за убивање на жртвите, а од сцените кои најмногу ја згрозија публиката се издвојуваа убиствата на деца.

Публиката почна масовно да заминува по сцените во кои Џек пука во две мали деца со снајпер и им ги разнесува главите и по сцената во која ѝ ја отсекува дојката на една од жртвите.

Критичарите кои ја напуштија проекцијата на филмот пред крајот, го изразија своето мислење на Twitter.

„Си заминав од премиерата на филмот на Ларс фон Трир. Ужасен филм што не требало да биде снимен. И актерите се виновни“, напиша критичарот Роџер Фридман.

Сајтот The Oscar Predictor објави дека филмот е одвратен, претенциозен и дека „тера на повраќање“.

Критичарот на „Variety“ напиша дека тоа било едно од најнепријатните искуства во неговиот живот.

Оние што останаа до крајот на проекцијата аплаудираа со овации шест минути. Критичарот на „Variety“ рече дека тоа се луѓе кои би аплаудирале на сѐ.

Коментирај