Jувентус во четвртокот беше елиминиран во полуфиналето на Лига Европа од Севиља по продолженија, па оваа сезона ќе ја заврши без освоен трофеј. Поради тоа поранешниот италијански репрезентативец Антонио Касано жестоко го критикуваше тренерот на Јуве, Масимилиано Алегри.
„Севиља заслужено оди во финалето. Играа добро, знаеја што да прават со топката во тешки ситуации. Тоа беше натпревар кој го играше Севиља, од почеток до крај само еден тим играше. Јувентус имаше два контранапада, две шанси во судиското надополнување, потоа постигнаа гол и се повлекоа. Јуве секогаш е таков, оди во Лигата на шампионите и изгледа како ѓубре, оди во Лига Европа и истото се случува“, изјави Касано на Instagram и додаде:
„Ова е последицата. Нема да освојат ништо годинава. Сега Алегри ќе ги критикува другите, ќе спомне дека имале проблеми… Какви проблеми? Тие две години не одиграле пристоен натпревар, изгледаат како ѓубре и сега испаднаа од Лига Европа“.