Актерот Кевин Спејси, кому Холивуд му сврти грб откако Ентони Рап го обвини за сексуален напад во 2017 година, вчера сподели двеминутно видео во кое им ветува надеж на сите што размислуваат за самоубиство.
Актерот ги замоли луѓето кои имаат суицидни мисли да не го прават тој чекор и да побараат помош.
„Ако се наоѓате во позиција во која не можете веќе да останете, ако страдате и ви треба помош, ако чувствувате вина или срам, ако се борите со вашиот идентитет, ако ве туркаат во тесно или чувствувате дека нема излез, без оглед твојата ситуација, ти ветувам дека има начин и дека во ова време, за време на празниците и подоцна, дури и ако не го чувствуваш тоа, има луѓе кои разбираат и можат да помогнат“, вели Спејси во видеото.
„Не сте сами“, рече тој.
Спејси сподели дека многумина му се обратиле во 2020 година и му кажале за своите премрежја.
„Мојата способност да бидам таму за нив е навистина можна само поради моите лични тешкотии“, рече вездата.
„И иако ми беше чест да дадам поддршка, морам да кажам, искрено, тоа е над моите можности. Поголемо е од мене“, додаде тој.
Откако Реп прв го откри наводниот напад што му се случил кога имал 14 години, десетици мажи излегоа со слични обвинувања против Спејси. Актерот негираше какво било незаконско постапување.
Видеото завршува со упатување на бројот на телефонската линија за спречување самоубиства и ветувањето на Спејси на гледачите дека „ќе биде подобро“.
Ова видео на Спејси, иако чудно со оглед на неговата ситуација, сепак е негов придонес кон зачувување на менталното здравје и во конструктивна насока по ланското бизарно божикно видео.