Во текот на вчерашниот ден пред зградата на новозеландскиот парламент излегуваше густ црн чад, а се огласија и сирените додека демонстрантите кои протестираат против задолжителната вакцинација палеа шатори, душеци и мебел, пренесе AP.
Полицијата во Нов Зеланд го разби кампот поставен пред три недели, а дел од демонстрантите влегоа во конфликт со полицијата. Одвлечени беа околу 300 автомобили, комби и камиони со кои демонстрантите ги блокираа улиците.
Премиерката на Нов Зеланд, Џасинда Арден изјави дека протестот бил поттикнат од дезинформации и теории на заговор, како и тоа дека на протестот коронавирусот се проширил и некои од демонстрантите завршиле во болница.
Демонстрантите во соопштение наведоа дека се обединети во желбата одлуката за задолжителна вакцинација да биде укината и сметаат дека треба да се носат лични одлуки поврзани со здравјето, без принуда и казни.
